Prezıdenttikke kandıdattar medıtsınalyq kýálandyrýdan ótedi
ASTANA. QazAqparat - Prezıdenttikke kandıdattar medıtsınalyq kýálandyrýdan ótedi. Bul týraly búgin Májiliste «Qazaqstan Respýblıkasynyń keıbir konstıtýtsııalyq zańdaryna ózgerister men tolyqtyrýlar engizý týraly» QR Konstıtýtsııalyq zań jobasyn tanystyrý barysynda QR Ádilet mınıstri Marat Beketaev málim etti, dep habarlaıdy QazAqparat.
«Atap aıtqanda, «Saılaý týraly» Konstıtýtsııalyq zańynda saılaýshylar men saılaý úderisine qatysýshylardyń quqyqtyq saýattylyǵyn arttyrý maqsatynda túzetýler kózdelgen. Prezıdenttikke kandıdatqa qoıylatyn qosymsha talaptar engiziledi. Osy oraıda memlekettik qyzmette nemese saılanatyn memlekettik laýazymdarda keminde 5 jyl tájirıbesiniń bolýy, mindetterin oryndaýǵa kedergi bolatyn aýrýlardyń joqtyǵyn rastaý eskerilgen. Ol úshin medıtsınalyq kýálandyrýdan ótedi»,- dedi mınıstr.
Tilshilerge bergen suhbatynda M. Beketaev talap barlyq kandıdattarǵa mindetti bolatynyn jetkizdi. Bul rette talaptar naqty jazylyp, atqarylatyn rásimder ashyq ári túsinikti túrde atap kórsetiledi.
«Egjeı-tegjeıli retteý sharalar keıinirek bekitiledi. Mańyzdy memlekettik qyzmetterdi oryndaý úshin kandıdattar osyǵan daıyn bolýy tıis»,-dep toqtaldy mınıstr.
