Prezıdenttikke kandıdattar qarsylyq bildirse, lıngvıstıkalyq komıssııanyń sheshimin udaıy jarııa etip otyramyz - OSK
ASTANA. 10 aqpan. QazAqparat /Aıdar Ospanalıev/ - Ortalyq saılaý komıssııasy Prezıdenttikke kandıdattar tarapynan Prezıdenttikke kandıdattardyń memlekettik tildi erkin meńgerýin anyqtaý jónindegi lıngvıstıkalyq komıssııanyń sheshimine qandaı da bir qarsylyq bildirip kiná taǵatyn bolsa,
komıssııanyń faktilerin kópshilikke jarııa etip otyrady. Bul týraly búgin Ortalyq saılaý komıssııasynyń otyrysynda atalmysh komıssııa tóraǵasy Qýandyq Turǵanqulov málim etti.
Onyń sózine qaraǵanda, Ortalyq saılaý komıssııasy Ýálıhan Qaısarovty Prezıdenttikke kandıdat retinde Konstıtýtsııa men «QR Saılaý týraly» zańnyń talaptaryna sáıkes emes dep tapty. «Osydan keıin burynǵy kandıdat buny «saıası tapsyrys» dep jarııalap, lıngvıstıkalyq komıssııa ókilderin «asyra siltep otyr» dep kópshilik aldynda aıyptady.Sondyqtan biz buqaralyq aqparat quraldary arqyly lıngvıstıkalyq komıssııanyń Ý. Qaısarovqa qatysty shyǵarǵan sheshimin jarııa etýge májbúr boldyq. Biz lıngvıstıkalyq komıssııaǵa kandıdattar tarapynan qandaı da bir kiná taǵylǵan jaǵdaıda osyndaı tájirıbeni aldaǵy ýaqytta da qoldanymyz»,-dedi Q. Turǵanqulov.
