Prezıdenttikke kandıdat Jıgýlı Daırabaevty qoldaıtyn shtab jumysyn bastady
ASTANA. QazAqparat - Búgin elordada QR Prezıdenttigine kandıdat Jıgýlı Daırabaevty qoldaý jónindegi respýblıkalyq shtab resmı túrde ashylyp, jumysyn bastady, dep habarlaıdy QazAqparat tilshisi.
«Kandıdat Jıgýlı Daırabaevty qoldaýǵa arnalǵan úgit-nasıhat jumysy elimizdiń barlyq óńirinde júredi. Atap aıtqanda, 88 qala, 30 kent jáne 6 myńnan astam eldimekendi qamtıdy. Úgit-nasıhat jumysyn kandıdattyń ózi jáne onyń senimdi ókilderi ótkizedi. Barlyq is-shara ýaqytynda ótkiziledi», – dedi kandıdat Jıgýlı Daırabaevty qoldaý jónindegi respýblıkalyq shtabtyń basshysy Tóleýtaı Rahymbekov.
Onyń aıtýynsha, kandıdatty qoldaý jónindegi shtab elimizdiń barlyq óńirinde jumys isteıdi.
«Barlyq qoǵamdyq shtab úgit-nasıhat jumysyna qajetti zatpen tolyq qamtamasyz etilgen. Respýbılkalyq shtabtyń ashylýy barysynda Qazaqstan Respýblıkasynyń Prezıdenttigine kandıdat Jıgýlı Daırabaev ózin qoldaýshylarǵa alǵys aıtyp, saılaýaldy baǵdarlamasyn tanystyrdy», - deıdi ol.
Aıta keteıik, QR Prezıdenttigine kandıdat Jıgýlı Daırabaev saılaýǵa «Aýyl» halyqtyq-demokratııalyq patrıottyq partııasy atynan túsip otyr.
