Prezıdenttikke kandıdat Jambyl Ahmetbekovtiń qatysýymen fýtzaldan áýesqoılar týrnıri ótti

NUR-SULTAN. QazAqparat - Prezıdenttikke úmitker Jambyl Ahmetbekovtyń qatysýymen fýtzaldan «Kóktem-2019» fýtbol áýesqoılary qazaqstandyq lıgasynyń» týrnıri ótti, dep habarlaıdy QazAqparat Qazaqstan Kommýnıstik halyq partııasynyń baspasóz qyzmetine silteme jasap.

«Salamatty ómir saltyn nasıhattaý aıasynda QKHP partııasynyń Respýblıkalyq saılaýaldy shtabynyń belsendileri Nur-Sultan qalasynda fýtzaldan «Kóktem-2019» fýtbol áýeqoılary qazaqstandyq lıgasynyń» týrnırin ótkizdi. «Kóktal» shaǵyn aýdanynyń sport alańynda ótken sharada QR Prezıdenttigine úmitker J.Ahmetbekov týrnırge qatysýshylardy jarystyń bastalýymen quttyqtady.

Jambyl Ahmetbekov óziniń ómiri sportpen tyǵyz baılanysty ekenin atap kórsetip, karatedan qara belbeý ıegeri jáne «Sporttyq karate federatsııasynyń» qurmetti prezıdenti ekenin aıtty.

«Sport - zamanaýı qoǵamnyń mańyzdy salasy jáne tulǵa men qoǵamnyń úılesimdi damýynyń kepili bolyp tabylady. Biz jastardy ınternetke táýeldilikten alshaqtatqymyz keledi. Al sport adamdardy olardyń shyǵý tegi men dinine qaramastan biriktiredi», - dep málimdedi úmitker.

Jarysqa qatysýshylar men jankúıerlerge J. Ahmetbekov sáttilik pen jeńis tiledi.

«Bizdiń partııa qazaqstandyq saıasattyń bel ortasynda eńbek adamy, onyń ómiri, zııatkerligi, mádenıeti men salamattylyǵy, el men qoǵamǵa qyzmet etýge degen umtylysy bolýyn talap etýdi jalǵastyra beredi», - dedi QR Prezıdenttigine úmitker. Jarysqa eki top qatysty.