Prezıdenttikke kandıdat J.Ahmetbekov elordanyń bazarlaryn aralap, saılaýshylarmen kezdesti
ANA. 12 naýryz. QazAqparat /Marlan Jıembaı/ - Búgin prezıdenttikten úmitker Jambyl Ahmetbekov elordanyń «Astanalyq» (burynǵy Artem), Ortalyq jáne Shanhaı bazarlaryn aralap,
azyq-túlik baǵasymen tanysty.
Sonymen qatar saılaýshylarmen kezdesken ol: «Meniń oıymsha, Úkimet dál osy ortalyq bazarlarǵa azyq-túlik jetkizýdi retteýdi oılanǵany durys. Astana qalasynda 4-5 negizgi bazar bar. Bul bazarlarda baǵa taýardyń ózindik quny men rentabeldigine emes, satýshynyń qandaı baǵa qoıýyna baılanysty ártúrli bolyp otyr», - deıdi ol.
Shara barysynda prezıdenttikke kandıdattyń ókilderi úgit-nasıhat paraqtaryn taratty. J.Ahmetbekov saılaýaldy tuǵyrnamasynda zeınetaqyny 120 myńǵa, ortasha jalaqyny 300 myń teńgege deıin kóterýdi ýáde etedi. Sondaı-aq ol qazaqstandyq joǵary oqý ornyn bitirgen túlekterdi eń birinshi jumysqa ornalastyrýǵa memlekettik kepil engizýdi qolǵa almaq.
