Prezıdenttikke kandıdat Ýálıhan Qaısarov osy ýaqytta memlekettik tildi meńgerý jóninen arnaıy synaqtan ótýde
ASTANA. 8 aqpan. QazAqparat /Aıdar Ospanalıev/ - Qazaqstan Respýblıkasynyń Prezıdenttigine kandıdat Ýálıhan Qaısarov osy ýaqytta memlekettik tildi meńgerý deńgeıin anyqtaý jónindegi lıngvıstıkalyq komıssııanyń synynan ótip jatyr.
Atalmysh komıssııa tóraǵasy Myrzataı Joldasbekovtyń aıtýynsha, komıssııa Prezıdenttikke kandıdattyń memlekettik tildi meńgerý deńgeıin 3 túrli synaq boıynsha anyqtaıdy. «Ýalıhan Qaısarov mundaı emtıhannan Prezıdenttikke kandıdat retinde buryn da ótken bolatyn. Sondyqtan ol bul joly da synnan súrinbeı ótýi tıis», - dedi komıssııa tóraǵasy.
Onyń sózine qaraǵanda, kandıdat birinshi jazba jumysy boıynsha komıssııa talaptaryn oryndap, budan soń 15 mınýttyq mátin oqıdy. «Qazaqstan Respýblıkasynyń Prezıdenti memlekettik tilde halyqpen erkin sóılese alýy kerek. Sondyqtan synaq barysynda memlekettik tilde qanshalyqty erkin sóıletindigińizdi de kórsetesiz»,-dedi M.Joldasbekov Ý.Qaısarovqa.
Ýálıhan Qaısarovtyń sózine qaraǵanda, ol búgingi synaqqa jaqsy daıyndyqpen kelip otyr. «Memlekettik tilge baılanysty ótetin synaq talaptary bul joly qataıtylǵan. 2005 jylǵy Prezıdent saılaýynda synaq 3 saǵatqa sozylsa, qazir synaq talaptaryn nebári 1 saǵatta aıaqtaý qajet. ıAǵnı men búgin osy ýaqytta shyǵarma jazyp ta, mátin oqyp ta, minberden sóılep te úlgerýim kerek. Meniń paıymdaýymsha, emtıhanda birneshe klassık jazýshylardyń shyǵarmalary bolady», - dedi kandıdat.
