Prezıdenttikke kandıdat Sálim Óten memlekettik tilden synaqqa ýaqytynda kele almady
ASTANA. 8 aqpan. QazAqparat /Aıdar Ospanalıev/ - Prezıdenttikke kandıdattardyń memlekettik tildi erkin meńgerýin anyqtaý jónindegi lıgvıstıkalyq komıssııanyń synaǵynan Prezıdenttikke kandıdat Sálim Óten ýaqytynda kele almady.
Bul týraly búgin osy máselege baılanysty jýrnalısterdiń saýaldaryna jaýap qaıtarǵan Ortalyq saılaý komıssııasynyń hatshysy Baqyt Meldeshov málim etti.
Onyń sózine qaraǵanda, Prezıdenttikke kandıdat atalmysh azamat memlekettik tildi meńgerý deńgeıine baılanysty emtıhandy búgin tapsyrýy qajet bolatyn. «Biz búgin emtıhan ótetindigi jóninde kandıdatqa keshe eskertken bolatynbyz. Alaıda ol búgin Aqtóbe qalasynda júrgen bolyp shyqty. Sondyqtan ol lıngvıstıkalyq komıssııanyń otyrysyna kele almaı, synaq merzimin keıinge shegere turýdy surady. Endi biz ony kútemiz», - dedi Ortalyq saılaý komıssııasynyń hatshysy.
Onyń sózinshe, «Saılaý týraly» konstıtýtsııalyq zań talaptary boıynsha, kandıdattyqqa ózderin-ózderi usynǵan azamattar tıisti qujattardy tapsyrǵannan keıin Ortalyq saılaý komıssııasy 5 kún ishinde qujattardyń talapqa saı ekendigin tekserip bitýi kerek. «Al erteń biz atalmysh kandıdattyń saılaý talaptaryna sáıkestigin anyqtap, qaýly qabyldaýymyz qajet», - dedi B.Meldeshov.
Onyń aıtýynsha, memlekettik tilden emtıhandy Prezıdenttikke kandıdattardyń barlyǵy tapsyrady.
