Prezıdenttikke kandıdat retinde tirkeýge kedergi keltiretin 107 aýrý tizbesi bekitilgen
«Qazirgi ýaqytta «Qazaqstan Respýblıkasynyń Prezıdenttigine kandıdattyń densaýlyq jaǵdaıy týraly medıtsınalyq qorytyndyǵa qoıylatyn talaptardy jáne Qazaqstan Respýblıkasynyń Prezıdenttigine kandıdat retinde tirkeýge kedergi keltiretin aýrýlardyń tizbesin bekitý týraly» Ortalyq saılaý komıssııasy men Densaýlyq saqtaý mınıstrliginiń birlesken normatıvtik quqyqtyq aktisi qabyldandy jáne Ádilet mınıstrliginde 2019 jylǵy 13 sáýirde tirkeldi. Normatıvtik quqyqtyq aktiler elektrondy túrdegi etalondyq baqylaý bankinde 2019 jylǵy 15 sáýirde tirkelip, jarııalanǵan kúnnen bastap zańdy kúshine endi», - dedi ol.
Onyń aıtýynsha, medıtsınalyq qorytyndy kandıdat medıtsınalyq kýálandyrý júrgizý úshin júgingen kezden bastap kúntizbelik úsh kúnnen aspaıtyn merzimde beriledi jáne Qazaqstan Respýblıkasy Prezıdentiniń saılaýy merzimi ishinde jaramdy bolady. Berilgen medıtsınalyq qorytyndylardyń esebin densaýlyq saqtaý uıymdary júrgizedi. Olarǵa densaýlyq saqtaý salasyndaǵy ýákiletti organnyń ǵana qoljetimdiligi bar.
«Birlesken normatıvtik quqyqtyq aktide Qazaqstan Respýblıkasynyń Prezıdenttigine kandıdat retinde tirkeýge kedergi keltiretin 107 aýrý tizbesi kórsetilgen», - dedi OSK múshesi.
