Prezıdenttikke kandıdat Nurlan Áýesbaevtyń saılaýaldy shtaby jumysqa kiristi
«QR Saılaý týraly zańy men ortalyq saılaý komıssııasynyń kúntizbelik josparyna sáıkes búgin úgit-nasıhat jumysyn bastaımyz. Kandıdat Nurlan Áýesbaevty qoldaý jónindegi respýblıkalyq saılaýaldy shtaby Astanada ornalasqan. Shtabta baspasóz qyzmeti, joba úılestirýshileri, SMM jáne basqa da mamandar jumys isteıdi. Sonymen qatar ortalyq shtabtyń barlyq aımaqta fılıaldary ashyldy. Onda óńirlik shtab basshylary men olardyń kómekshileri jumys isteıdi. Biz úgit-nasıhat jumysyna daıynbyz», - dedi shtab basshysy, jalpyulttyq sotsıal-demokratııalyq partııasynyń tóraǵasy Ashat Rahymjanov.
Sondaı-aq, partııanyń baspasóz qyzmetiniń jetekshisi Maqsut Nasıbulovtyń aıtýynsha, saılaýaldy úgit-nasıhat jumystary zań talaptaryn saqtaı otyryp, áleýmettik jeliler arqyly júrgiziledi. Odan bólek, úgit-nasıhat materıaldary ázirlendi.
Aıta ketsek, jalpyulttyq sotsıal-demokratııalyq partııasynan prezıdenttikke kandıdat Nurlan Áýesbaev ortalyq saılaý komıssııasyna qujattaryn ótkizgen edi.
