Prezıdenttikke kandıdat M. Eleýsizov «DEÝ-Avtobaza» AQ basqarmasynyń qyzmetkerlerimen kezdesti
ASTANA. 9 naýryz. QazAqparat - 8-naýryz Halyqaralyq áıelder kúni merekesine oraı, jaqynda QR Prezıdenttigine kandıdat, «Tabıǵat» ekologııalyq odaǵynyń tóraǵasy Mels Eleýsizov Almaty qalasy Áýezov aýdany «DEÝ-Avtobaza» AQ basqarmasynyń qyzmetkerlerin quttyqtady.
Bul týraly QazAqparat kandıdattyń baspasóz qyzmetine silteme jasap habarlaıdy.
«Bul adamdar qala tazalyǵyn saqtaýǵa qatysty tikeleı jumystar atqarady. Men ekolog retinde osyndaı azamattardy qurmet tutamyn jáne oardyń arasyndaǵy názik jandylardy tól merekesimen quttyqtap, bizdiń qalamyzdy kún saıyn qoqystan tazartatyn olarǵa zor alǵysymdy bildirgim keledi»,- dedi kezdesýde kandıdat. Sonymen qatar, shara barysynda kompanııa qyzmetkerleri Mels Eleýsizovtyń saılaýaldy naýqanyna qyzyǵýshylyq tanytyp, saýaldar qoıyp, pikir almasty.
Áńgime barysynda ekologııa máseleleri kóterilip, sapasyz janarmaı problemalaryna nazar aýdaryldy. Sondaı-aq elimizdiń «halyqtyq ekology» basty tazalyq saqtaýshylardy 3-sáýir kúni saılaý ýchaskelerine baryp, óz bolashaqtary úshin daýys berýge shaqyrdy. «Sizdiń kimge daýys beretinińiz biz úshin mańyzdy emes, mańyzdysy Sizdiń osynaý basty sharaǵa qatysýyńyz», - dedi ol. Sóz sońynda kandıdat áıelder qaýymyna bar ıgilikti tilep, merekege oraı kóktemniń jarshysy - qyzǵaldaq syılady.
