Prezıdenttikke kandıdat M. Dýambekov memlekettik tildi meńgergendigin dáleldedi
ANA. 9 aqpan. QazAqparat /Aıdar Ospanalıev/ - Prezıdenttikke kandıdat Musaǵalı Dýambekov Prezıdenttikke kandıdattardyń memlekettik tildi erkin meńgergendigin anyqtaý jónindegi lıngvıstıkalyq komıssııanyń synynan súrinbeı ótti.
Lıngvıstıkalyq komıssııanyń tóraǵasy Myrzataı Joldasbekovtyń aıtýynsha, M. Dýambekov eki betten kem emes shyǵarma jazýda oıyn saýatty jetkizdi. Sóılem quraýy da durys. «Nazar aýdaratyn másele - shyǵarmada tynys belgilerine qatysty jáne orfografııalyq qateler kezdesti. Soǵan qaramastan, kandıdat jazba jumysyn jaqsy jazdy dep baǵalanyp otyr. Al emtıhannyń ekinshi kezeńi, ıaǵnı mátin oqýda M. Dýambekov Maǵjan Jumabaevtyń 3 óleńin de jaqsy oqydy. Kópshilik aldynda da talapqa saı sóılep, óziniń oıyn anyq jetkize aldy. Árıne, munda da azdaǵan kemshilikter boldy. Soǵan qaramastan, ol óziniń memlekettik tildi jetik meńgergendigin kórsetti», - dedi komıssııa tóraǵasy.
