Prezıdenttikke kandıdat 2 mln 125 myń teńge saılaý jarnasyn tóleýi tıis
NUR-SULTAN. QazAqparat - Aǵymdaǵy jyldyń 9 maýsymynda ótetin kezekten tys prezıdenttik saılaýǵa kandıdattar 2 mln 125 myń teńge saılaý jarnasyn tóleýi tıis. Bul týraly búgin QR Ortalyq saılaý komıssııasy tóraǵasynyń orynbasary Konstantın Petrov aıtty, dep habarlaıdy QazAqparat tilshisi.
«Saılaý jarnasy eń tómengi 50 jalaqyny quraıdy. Soǵan sáıkes saılaý jarnasynyń somasy 2 mln 125 myń teńge. Saılaý jarnasy kandıdatqa ol laýazymǵa taǵaıyndalǵan jaǵdaıda nemese jalpy saılaýda 5 paıyzdan astam daýys jınaǵanda qaıtarylady», - dedi K.Petrov.
