Prezıdenttik jastar kadrlyq rezerviniń múshesi zaǵıp jandarǵa arnalǵan apparat oılap tapty
NUR-SULTAN. QazAqparat - Qazaqstandyq avtor, Prezıdenttik jastar kadrlyq rezervteriniń múshesi, «Bolashaq» halyqaralyq baǵdarlamasynyń túlegi Ábdilda Shámenov zaǵıp jandarǵa arnalǵan álipbıdi úırenip, oqý múmkindigin beretin apparatty tanystyrdy, dep habarlaıdy QazAqparat tilshisi.
«Búgingi forýmda meniń kótergim kelip otyrǵan másele, zaǵıp adamdardyń taǵdyry. Biz búginde tehnologııa damyǵan zaman, barlyq jaǵdaı jasalǵan dep jıi aıtamyz, degenmen kún tártibinde kezek kúttirmeı sheshilýi tıis máseleler az emes. Sonyń biri zaǵıp jandardyń taǵdyry. Qazirgi ýaqytta Qazaqstanda 86 myń zaǵıp jan bar, onyń 9 myńy - balalar. Problemalardyń biri kózi kórmeıtin jandarǵa úshin arnaıy oqýlyqtardyń azdyǵy, al qazaq tilinde tipti joq dep aıtýǵa bolady», - dedi Á. Shámenov.
Sondaı-aq, avtor atalǵan quraldy qalaı paıdalaný kerektigi týraly aıtyp berdi.
«Bul quralda qazaq álipbıi ornatylǵan, áripterdi basqan kezde dybys shyǵady. ıAǵnı «A» árpin bassa ol dybystalady, sol arqyly zaǵıp jan barlyq áripterdi tanyp, bile alady. Biz apparatymyzdy elordadaǵy №10 mektepte ınklıýzıvti bilim berý synybynda aprobatsııadan sátti ótkizdik. Búginde quraldyń arnaıy sertıfıkaty da bar. Jáne bul komandalyq jumys», - deıdi ol.
Aıta ketsek, elordada ótip jatqan Prezıdenttik jastar kadrlyq rezervteriniń forýmynda qaralyp jatqan 4 baǵyttyń biri «Adam kapıtaly».
