Prezıdenttik jastar kadrlyq rezervine kezekti irikteý kúzde ótedi

ASTANA. QazAqparat – Bıyl kúzde Prezıdenttik jastar kadrlyq rezervine kezekti irikteý ótedi. Ortalyq kommýnıkatsııalar qyzmetinde ótken brıfıngide Memlekettik qyzmet isteri agenttigi tóraǵasynyń orynbasary Azamat Jolmanov osylaı málimdedi, dep habarlaıdy QazAqparat tilshisi.

«Búgingi kúni rezervke qabyldanǵan 350 azamattyń memlekettik organdar men kvazımemlekettik sektor uıymdarynyń ártúrli laýazymdaryna 262-si nemese 75%-y taǵaıyndaldy. Onyń ishinde: ortalyq memlekettik organdarǵa – 131, jergilikti atqarýshy organdarǵa – 41, ulttyq kompanııalarǵa – 54, ózge de uıymdarǵa – 36. Sondaı-aq, 28 maman saıası laýazymdarǵa taǵaıyndaldy. «A» korpýsynyń laýazymdaryna 8 adam ornalasty», - dedi ol.

Azamat Jolmanov atap ótkendeı, Prezıdenttik jastar kadrlyq rezervine kezekti irikteý bıyl kúzde ótedi. Aıtýynsha, irikteý memlekettik organdardyń salalyq kadrlarǵa degen qajettilikterine negizdeledi.