Prezıdenttik jastar kadr rezerviniń ekinshi kezeńi óte me

NUR-SULTAN. QazAqparat - Prezıdenttik jastar kadr rezerviniń ekinshi kezeńin ótkizý Memleket basshysynyń quzyretine jatady. Bul jaıynda ınternet-konferentsııa barysynda kelip túsken saýaldarǵa jaýap bergen QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵaıymy Anar Jaıylǵanova aıtty, dep habarlaıdy QazAqparat tilshisi.

«Jastar jylynyń aıasynda Memleket basshysynyń tapsarmasyna sáıkes Elimizde alǵashqy ret Prezıdenttik jastar kadr rezervin qalyptastyrý boıynsha jumystar júrgizilýde. Іrikteý qaǵıdalary Qazaqstan Respýblıkasy Prezıdentiniń 2019 jylǵy 27 tamyzdaǵy № 141 Jarlyǵymen bekitilgen. Ulttyq komıssııa kandıdattardy bes jyl merzimge rezervke alý týraly sheshim shyǵarady. Jastar kadr rezervin bolashaqta jasaqtaý Qazaqstan Respýblıkasy Prezıdentiniń quzyretinde ekenin atap ótemiz», - dedi Anar Jaıylǵanova.