Prezıdenttik jastar kadr rezervine kirgenderdiń tizimi BAQ-ta jarııalanady

NUR-SULTAN. QazAqparat - Prezıdenttik jastar kadr rezervi kirgenderdiń tizimi buqaralyq aqparat quraldarynda jarııalanady. Bul jaıynda ınternet-konferentsııa barysynda kelip túsken saýaldarǵa jaýap bergen QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵaıymy Anar Jaıylǵanova aıtty, dep habarlaıdy QazAqparat tilshisi.

«Rezervti qalyptastyrý protsesiniń ashyqtyǵyn qamtamasyz etý úshin irikteýge qatysýshylardyń tizimi azamattarǵa qoljetimdi bolady. Olar irikteýge qatysý úshin kimderdiń ótinim bergenin kóre alady. Buǵan qosa, irikteýdiń árbir kezeńinen keıin kelesi kezeńge ótken qatysýshynyń tizimi jarııa etiledi. Eń úzdikter Prezıdenttik jastar kadr rezervine iriktep alynyp, tizimi elektrondy jáne baspa BAQ-qa usynylady», - dedi Anar Jaıylǵanova.