Prezıdenttik jastar kadr rezervine 14 memleketten ótinim berildi

NUR-SULTAN. QazAqparat – Prezıdenttik jastar kadr rezervine qatysýshylardy tirkeý aıaqtaldy. 1 qyrkúıekten 1 qazanǵa deıin kadr rezervine qatysýǵa 8 638 adam ótinim berdi, dep habarlaıdy QazAqparat tilshisi QR Memlekettik qyzmet isteri agenttigine silteme jasap.

Ótinim bergen 8 638 qatysýshynyń arasynda 5133 er adam jáne 3505 áıel bar.

Megapolıster boıynsha Nur-Sultan qalasynan 1540, Almatydan – 490, Shymkent qalasynan – 688 úmitker qujat tapsyrǵan.

Al óńirler arasynda Almaty oblysy – 655, Jambyl oblysy – 567, Túrkistan oblysy – 564 jáne Qostanaı oblysy – 463 úmitkermen aldyńǵy qatarda tur.

Odan keıin Qyzylorda oblysy – 435, Qaraǵandy oblysy – 428, Atyraý – 397, Aqtóbe – 365, Mańǵystaý – 348, BQO – 347, ShQO – 324, SQO – 308 jaıǵasqan jáne eń az úmitker ázirge Pavlodar oblysynda – 286.

Sondaı-aq, bıyl Prezıdenttik jastar kadr rezervine Qazaqstannan bólek, 14 memlekettegi qazaqstandyqtar tirkelgen.

Atap aıtqanda, AQSh-tan 6, Túrkııadan – 3, Grýzııadan – 3, Ulybrıtanııadan – 2, Birikken Arab Ámirlikterinen – 2, Sıngapýrden – 2 jáne Bolgarııa, Ońtústik Koreıa, Belgııa, Reseı, Kanada, Ózbekstan, EO, Izraıl elderinen 1 úmitkerden ótinim bergen.

Kadrlyq rezerv baǵyttary boıynsha «Memlekettik basqarýdy damytý» - 2708 úmitkermen kósh bastap tur.

Odan keıin «Bilim berý júıesin damytý» bóligi – 2303, «Óńirlik damý» – 1590, Ulttyq ekonomıka men syrtqy saýdany damytý – 791, «Jańa áleýmettik saıasat» - 511 baǵyttary jaıǵasqan.

Eń az úmitker «Іshki saıasatty jetildirý» (449) jáne «Densaýlyq saqtaý júıesin damytý» (286) baǵyttarynda baıqalady.