Prezıdenttik jastar kadr rezervi jobasy jalǵasady - Máýlen Áshimbaev
«Prezıdenttik jastar kadrlyq rezervi - bir kúndik bastama emes. Muny elimizdegi basqarý júıesin jańǵyrtýdyń naqty tetigi jáne uzaqmerzimdi saıasat dep qarastyrǵan jón. Ázirge 300 adam tańdap alyndy. Olar jaýapty qyzmetterge taǵaıyndalady. Bul joba keıin de jalǵasady. Basqa da jastar kadrlyq rezervke enedi. Jalpy Prezıdent bul jumysty jalǵastyrý týraly naqty tapsyrma berdi», - dedi M. Áshimbaev QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda.
Onyń aıtýynsha, jobaǵa 300 adam ǵana iriktelse de, tizimge enbeı qalǵan jastar nazardan tys qalmaıdy.
«Tizimge enbeı qalǵan jastardy umytyp ketpeımiz. Bárine kóńil bólinedi, onyń joldaryn, tetikterin qarastyramyz. Nemese olar kelesi irikteýde qaıtadan qujat tapsyra alady. Qazirgi jeńimpazdar rezervte 5 jyl bolady. Biraq, bul 5 jyl boıy kelesi irikteý júrgizilmeıdi degen sóz emes. Jastar ósip keledi. Jańarý protsesi júredi. Sol sebepti, irikteý odan da erte ótýi múmkin. Onyń naqty ýaqyty, jıiligi ulttyq komıssııanyń otyrysynda sheshiledi. Ázirge, 300 jasty damytý, quziretin arttyrý jumystary kútip tur», - dedi Máýlen Áshimbaev.
Aıta keteıik, Prezıdenttik jastar kadr rezervine engen 300 úzdik qazaqstandyqtyń tizimi jarııalandy. Tolyq tizimdi resmı saıttan kórýge bolady.
