Prezıdenttik jastar kadr rezervi: jeńimpazdar jumysqa qalaı ornalasady
Bul týraly agenttik tóraǵasy Anar Jaılǵanova aıtyp berdi, dep habarlaıdy QazAqparat tilshisi.
«Rezervke engen jastardyń qalaı, qashan jumysqa ornalasatyny qoǵamdy qyzyqtyryp otyr. Qazirgi ýaqytta 300 jastyń 221-i (74%) salalyq topqa, 42 adam (14%) - basqarý tobyna jáne 37 adam (12%) - óńirlik topqa bólindi. Keı jeńimpazdar jaqyn arada memlekettik laýazymdarǵa taǵaıyndalýy múmkin. 2020 jyldyń alǵashqy toqsanynda Memlekettik qyzmet isteri agenttigi árbir qatysýshyny damytý boıynsha jeke josparyn qurady», - dedi Anar Jaılǵanova QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda.
Rezervshilerdiń joǵary laýazymdy memlekettik jáne kvazımemlekettik sektor qyzmetterine taǵaıyndalýy júıeli mansaptyq ósý jolymen júrgiziledi. Agenttik qatysýshylardyń maqsaptyq damýyna baqylaý júrgizedi.
«Jeńimpazdardyń bir bóligi qajetti quzyrettilikter men daǵdylardy qalyptastyrý úshin Memlekettik basqarý akademııasynyń bazasynda qysqa kýrstardan nemese úzdiksiz oqýdan ótedi», - dedi A. Jaılǵanova.
Aıta keteıik, Prezıdenttik jastar kadr rezervine engen 300 úzdik qazaqstandyqtyń tizimi jarııalandy. Tolyq tizimdi resmı saıttan kórýge bolady.
