Prezıdenttik jastar kadr rezervi: Astana ákimdigine 8 adam qabyldanǵan
«Búgin Prezıdenttik jastar kadr rezerviniń rezervshilerimen ýrbanıstıka men qala qurylysyndaǵy tásilder, qoǵamdyq keńistikti odan ári keńeıtý jáne qalany qaıta qurý máseleleri talqylandy. Jas urpaqtyń salmaqty tájirıbesi men kózqarasy bar. Memleket basshysynyń bastamasymen qurylǵan kadr rezervine alý olardyń kópshiligi úshin ózindik áleýmettik lıft boldy. Ákimdikke túrli laýazymdarǵa 8 rezervshi jumysqa qabyldandy. Olar jaqsy nátıjeler kórsetýde», - dep jazdy A.Kólginov Instagram-da.
Elorda basshysynyń aıtýynsha, osyndaı kezdesýler pikir almasýǵa, halyqtan keri baılanys alýǵa múmkindik beredi.
«Rezervshiler ekologııany jaqsartýǵa múmkindik beretin júıeli sharalar qabyldaýdyń mańyzdylyǵyn atap ótti. Elordany gazdandyrý Elbasynyń ekologııa men azamattardyń ómir súrý jaǵdaıyn jaqsartý jónindegi kóregen sheshimi bolyp tabylady. Jeke sektordy gazdandyrý jáne JEO-ny gazǵa aýystyrý aýany aıtarlyqtaı tazartýǵa múmkindik beredi. Qazir qalada tútin baıqalady. Gazdandyrý protsesi birneshe jylǵa bólingen, onyń barysynda qala birtindep kómir qoldanýdan shyǵady.
Lastanýdyń taǵy bir faktory – kóliktiń kóbeıýi. Atmosferaǵa shyǵaryndylardy azaıtý úshin qoǵamdyq kólik parkin elektr avtobýstarymen toltyramyz. Jyl basynda osyndaı 100 avtobýs jelige shyqty – olar qorshaǵan ortaǵa shyǵaryndylar bólmeıdi. Avtobýstardyń taǵy bir legi osy jyldyń sońyna deıin túsedi, atalǵan jumystardy jalǵastyramyz.
Sonymen qatar, elordany aýqymdy kógaldandyrý ekologııany jaqsartýǵa da kómektesedi. Rezervshilermen mundaı kezdesýlerdi «ashyq mıkrofon« formatynda áli de ótkizemiz», - dep túıindedi Nur-Sultan basshysy.
