Prezıdenttik jastar kadr rezervi: 1-kezeńniń qorytyndysy shyǵaryldy

NUR-SULTAN. QazAqparat - 2021 jylǵy Prezıdenttik jastar kadr rezervine irikteýdiń «qabiletterdi testileý» kezeńiniń mátindik testileýinen súrinbeı ótken úmitkerler kelesi kezeńge joldama aldy, dep habarlaıdy QazAqparat.

QR Memlelekettik qyzmet isteri agenttiginiń baspasóz qyzmetinen málim etkendeı, kelesi kezeńge 8 jáne odan da joǵary ball jınaǵandar ótti. Olardyń nátıjeleri týraly aqparat 4 qazan kúniniń sońyna deıin pk.rezerv.gov.kz platformasyndaǵy árbir úmitkerdiń jeke kabınetine joldanady.

Al 2021 jylǵy 6 qazanda Prezıdenttik jastar kadr rezervine irikteýdiń ekinshi kezeńinde úmitkerler sandyq testileýden ótedi.

«Memleket basshysynyń tapsyrmasyna sáıkes Memlekettik qyzmet isteri agenttigi 2021 jyly Prezıdenttik jastar kadr rezervine ekinshi irikteýdi júzege asyrýda. Іrikteýdiń qorytyndysy boıynsha memlekettik sektor úshin 50 rezervshi alynatyn bolady.

Prezıdenttik jastar kadr rezerviniń maqsaty – qoǵamdyq múddelerdi basshylyqqa alatyn jas talanttardy anyqtaý.

Іrikteýge osy jyly 8638 adam tıisti qujat tapsyryp, tirkeýden ótti», - dedi mınıstrlikten.