Prezıdenttik saıys jasulandyqtardyń daıyndyq deńgeıi joǵary ekenin kórsetti

ŞÝChINSK. QazAqparat – Şýchınsk qalasynda «Jas ulan» respýblıkalyq mektepteri men áskerı kolledjderdiń tárbıelenýshileri arasynda áskerı-sporttyq oıyndar ótti, dep habarlaıdy QazAqparat Qorǵanys mınıstrligine silteme jasap.

Jarysqa 6 komandanyń atynan 70-ten astam tárbıelenýshi qatysty. Baǵdarlamaǵa prezıdenttik saıystar men armııalyq gir kóterý boıynsha chempıonat kirdi.

Pnevmatıkalyq qarýdan atý, beltemirge tartylý, 3 shaqyrym shańǵymen júgirý synaqtary boldy. Armııalyq gir kóterý sportynda qoldy kezek-kezek aýystyra otyryp, belgilengen salmaqty kóterý mindetteldi.

«Mektepter men kolledjderdiń tárbıelenýshileri úshin bul – óz kúshteri men qabiletterin tekserý, biz úshin – keleshegi zor sportshylardy anyqtaý jáne bolashaqta olardyń áleýetin ashýǵa kómektesý múmkindigi. Biz jarysqa qatysýshylardan eki pán boıynsha qabyldadyq – Prezıdenttik test jáne gir tasyn julqı kóterý. Balalar óte jaqsy nátıje kórsetti dep tolyq aıtýǵa bolady», - dedi Sport komıteti - Qorǵanys mınıstrligi Ortalyq sport klýbynyń tóraǵasy Olga Shıshıgına.

Prezıdenttik jarys qorytyndysy boıynsha 1-oryndy Almaty qalasyndaǵy «Jas ulan» respýblıkalyq mektebiniń komandasy, 2-oryndy Shymkent qalasynyń «jas ulandary», 3-oryndy Astana qalasyndaǵy áskerı kolledjdiń tárbıelenýshileri ıelendi.

Armııalyq gir tasyn julqı kóterýde Shymkent qalasynyń «Jas ulan» respýblıkalyq mektebiniń quramasy 1-oryn aldy, 2-orynda Astana qalasynyń áskerı kolledji, 3-orynda – Almaty qalasynyń tárbıelenýshileri.

Prezıdenttik test saıysy 1996 jyly engizilgen bolatyn. Bul – birqatar jattyǵýdyń jıyntyǵy, olardyń oryndalýy azamattardyń jalpy dene shynyqtyrý deńgeıin anyqtaýǵa múmkindik beredi.