Prezıdenttik saılaýǵa túsýdegi basty maqsat - ekologııa salasyndaǵy máselelerdi Prezıdenttiń nazaryna jetkizý - M.Dýambekov
ASTANA. 9 aqpan. QazAqparat /Aıdar Ospanalıev/ - «Meniń Prezıdenttik kezekten tys saılaýǵa túsýdegi basty maqsatym saılaýda jeńiske jetý emes, qorshaǵan ortany qorǵaý salasyndaǵy qordalanǵan máselelerdi Memleket basshysyna jetkizý», - deıdi Qazaqstan Respýblıkasynyń Prezıdenttigine kandıdat Musaǵalı Dýambekov.
Bul týraly ol búgin Prezıdenttikke kandıdattardyń memlekettik tildi erkin meńgergendigin anyqtaý jónindegi lıngvıstıkalyq komıssııaǵa emtıhan tapsyrardyń aldynda jýrnalısterdiń saýaldaryna jaýap berip turyp, málim etti.
«Men bul saılaýda jeńip shyǵamyn dep oılamaımyn. Meniń basty maqsatym - ekinshi orynǵa qol jetkizý. Osyǵan deıin kóptegen jýrnalıstermen suhbattastym. Olar men ekologpyn desem, «bizde Melis Eleýsizov degen ekolog bar, al sizdi biz tanymaımyz», - degen syńaıdaǵy namysqa tıetin áńgimelerdi aıtady. Men ekologııamen 20 jyldan beri aınalysyp kelemin. Ǵylym doktorymyn. Ekologııa salasynda jazǵan 22 kitabym bar», - dedi kandıdat.
