Prezıdenttik saılaýǵa qatysýǵa ótinish bergen azamattardyń sany 19-ǵa jetti
ASTANA. 19 aqpan. QazAqparat /Aıdar Ospanalıev/ - 3 sáýirge belgilengen kezekten tys Prezıdenttik saılaýǵa qatysýǵa taǵy eki azamat ótinish berdi.
Ortalyq saılaý komıssııasy baspasóz qyzmetiniń habarlaýynsha, ótinish bergen azamattar 1958 jyly týylǵan Murat Aıtjanuly Telibekov pen 1961 jyly týylǵan Birjan Jetirýuly Dilmaǵambet.
M.Telibekov - Qazaqstannyń musylmandar odaǵynyń kóshbasshysy. Al B.Dilmaǵambet - zeınetker.
Osylaısha kezekten tys Prezıdenttik saılaýǵa qatysýǵa elimiz boıynsha 19 azamat ótinish berdi. Onyń úsheýin OSK memlekettik tildi erkin bilmeıtindikterine baılanysty kandıdat retinde tirkeýden bas tartty. Taǵy 2 azamat ótinishterin qaıtaryp aldy.
