Prezıdenttik saılaýǵa bir kisideı qatysyp, daýys berý - ár azamattyń abyroıly boryshy - BQO (FOTO)
ORAL. QazAqparat - Búgin Oralda «Aýǵan soǵysy múgedekteri jáne ardagerleriniń BQO qoǵamy» qoǵamdyq birlestiginiń bastamasymen Elbasynyń QR Prezıdentigi saılaýyna qatysý týraly sheshimin qoldaýǵa arnalǵan jıyn ótti.
Atalmysh qoǵamdyq birlestik tóraǵasy Tahır Qosjanovtyń atap ótkenindeı, shara maqsaty táýelsiz elimizdiń tutastyǵyn saqtap, ultaralyq jáne dinaralyq kelisimdi nyǵaıtyp, óskeleń urpaqqa patrıottyq tárbıe berý bolyp tabylady. Qazaq eliniń odan ári órkendeýi úshin ekpindi eńbek etip, qajet jaǵdaıda Otan qorǵaýdyń qanshalyqty mańyzdy ekendigin aýǵan soǵysynyń ardagerleri de jaqsy túsinedi. Sondyqtan olar qoǵamdyq-saıası ómirge belsene aralasyp, jastarǵa jol silteýge óz úlesterin únemi qosyp keledi. Saıyp kelgende, aldaǵy saılaýǵa bir kisideı qatysyp, daýys berý - ár azamattyń abyroıly boryshy.
Sondaı-aq jıynǵa qatysqan BQO Azamattyq alıansy, úkimettik emes uıymdar men qoǵamdyq birlestikterdiń ókilderi Qazaqstan Prezıdenti Nursultan Nazarbaevtyń sarabdal saıasaty arqasynda táýelsiz elimizdiń qarqyndy damyp kele jatqanyn jetkizdi.
