Prezıdenttik saılaýdy ýaqytynan buryn ótkizý saıası turǵydan alǵanda salmaqty sheshim - E. Ertisbaev
ASTANA. 31 qańtar. QazAqparat /Rýslan Ǵabbasov/ - Prezıdenttik saılaýdy ýaqytynan buryn ótkizý naqty ári saıası salmaqty sheshim.
Bul týraly búgin Aqorda Elbasynyń Qazaqstan halqyna jasaǵan Úndeýinen keıingi brıfıngte Memleket basshysynyń keńesshisi Ermuhamet Ertisbaev aıtty.
«Meniń kózqarasym boıynsha, qazirgi qalyptasqan jaǵdaıda bul óte danalyq sheshim. Atap aıtqanda, bul taqyrypty birjola jabý úshin prezıdenttik saılaýdy ýaqytynan buryn ótkizý naqty ári saıası salmaqty sheshim»,-dedi ol.
«Búgin Internette Parlamentti taratý jaıynda kóp aıtyldy. Men Parlamentti taratýdyń esh qajettiligin kórip turǵanym joq. Sebebi, Prezıdent pen Parlament arasynda eshqandaı da qarama-qaıshylyq joq»,-dedi E. Ertisbaev.
28 qańtarda Parlamentte Elbasynyń Qazaqstan halqyna Joldaýy bolǵanyn eske salyp ótken ol, «sol kezde Memleket basshysy barsha halyqqa óz qyzmetinde qalatynyn, jumys isteýge daıyn ekendigin aıtty», dedi.
