Prezıdenttik saılaýdy ótkizý kezinde qaýipsizdikti qamtamasyz etý úshin QR TJM shuǵyl shtab qurdy
ASTANA. 1 sáýir. QazAqparat - Qazaqstan prezıdentiniń saılaýyn ótkizý kezinde qaýipsizdikti qamtamasyz etý úshin QR Tótenshe jaǵdaılar mınıstrligi shuǵyl shtab qurdy.
Bul týraly vedomstvonyń baspasóz qyzmetinen habarlady.
Mınıstrlikten málim etkendeı, shuǵyl shtabtar respýblıkanyń barlyq óńirlerinde qurylyp, jumys isteı bastady.
2011 jyldyń 25 naýryzy men 5 sáýiri aralyǵynda saılaý ýchaskilerinde ınspektorlyq quramnyń kezekshiligi uıymdastyryldy. TJM-nyń oblystar jáne Astana men Almaty qalalary boıynsha departamentteriniń bólimsheleri kúsheıtilgen jumys rejimine kóshirildi.
«Órt sóndirý jáne apattyq-qutqarý qyzmeti» MM oblystar, Astana jáne Almaty qalalary boıynsha TJD-nyń ınjenerlik-ınspektorlyq quramymen birlesip 4117 shuǵyl kártishkelerdi jáne 3482 saılaý ýchaskilerindegi órt sóndirý josparlaryn tekserip shyqty. Qosymsha 1514 shuǵyl kártishkeler ázirlendi.
