Prezıdenttik saılaýdan keıin Qazaqstanda atqarýshy bılik jańartylady - E.Ertisbaev
MÁSKEÝ. 25 naýryz. QazAqparat /Narymbek Ysmaǵulov/ - 3 sáýir kúni ótetin Prezıdenttik saılaýdan keıin qalyptasqan dástúr boıynsha QR Prezıdentine jańa kadrlyq taǵaıyndaýlar jasaýǵa múmkindik berý úshin Úkimet te, atqarýshy bılik te otstavkaǵa ketedi,
dep málim etti Máskeýdegi RIA «Jańalyqtarda» ótken brıfıng barysynda QR Prezıdentiniń keńesshisi Ermuhamet Ertisbaev.
«Meniń oıymsha, jańa úkimet qurylyp, aımaqtarda birqatar kadrlyq ózgerister bolady. Prezıdent jyl saıyn batys elderinde joǵary bilim alǵan, qazirgi tańda ulttyq kompanııalarda, jergilikti bılik organdary men Úkimette, jeke bızneste jumys istep júrgen jastar arasynan jańa mamandardy tartady», - deıdi Elbasynyń keńesshisi.
«QR Konstıtýtsııasyna sáıkes, syrtqy jáne ishki sıasatty Memleket basshysy anyqtaıtyn bolady, adamdardy qyzmetterge naqty taǵaıyndaıtyn da Elbasy bolady», - dep qorytty E.Ertisbaev.
