Prezıdenttik saılaýda qoldanylatyn bıýlletenderde «barlyǵyna qarsymyn» degen belgi bolmaıdy

Bul týraly búgin Ortalyq saılaý komıssııasynyń otyrysynan soń jýrnalısterdiń saýaldaryna jaýap bergen osy komıssııanyń tóraǵasy Qýandyq Turǵanqulov aıtty.

«Prezıdent saılaýynda qoldanylatyn bıýlletenderde mundaı belgi qarastyrylmaǵan. Bıýlletende kandıdattyń aty, ákesiniń aty men tegi kórsetiledi. Adamdardyń ataýlarynyń aldynda daýys berý belgisi turady»,-dedi Q.Turǵanqulov.

Sondaı-aq ol kandıdattardyń úgit-nasıhattary úshin bólinetin qarjynyń jobasy daıyndalyp jatqandyǵyn aıtty. «Jaqyn arada biz ol jobany Úkimetke joldaımyz. Tek sodan keıin ǵana naqty málimetter týraly aıtýǵa bolady»,-dedi OSK-nyń tóraǵasy.