Prezıdenttik saılaý qoǵamdaǵy tynyshtyq pen turaqtylyqqa járdemdesedi - M.Bortnık
ASTANA. QazAqparat - Kezekten tys prezıdent saılaýyn ótkizý qoǵamdaǵy tynyshtyq pen turaqtylyqqa járdemdesetin bolady. QR Parlamenti Senatynyń depýtaty Mıhaıl Bortnık osyndaı pikirin bildirdi.
«Qazaqstandyqtarǵa bizdiń Prezıdentimizdiń isteri men josparlary jaqsy tanys. Nursultan Nazarbaevtyń qyzmetiniń arqasynda biz búginde táýelsiz, ekonomıkasy kúshti, demokratııalyq jaǵynan qalyptasqan, óz kórshileri men búkil álemdik qoǵamdastyqtyń arasynda qurmetke bólengen memlekettik ómir súrip otyrmyz», - dep atap ótti ol.
M.Bortnık saılaýǵa qol jetkizýge múmkindik beretin oń qyrlardy atady.
«Eń aldymen, ekonomıkalyq qıynshylyqtardy oıdaǵydaı eńserý, bizde oǵan barlyq múmkindikter bar. «Nurly jol» baǵdarlamasy qabyldandy, ındýstrııalandyrýdyń ekinshi besjyldyǵyn oryndaý jalǵasýda, jańa jumys oryndary ashylady. Ekonomıkadaǵy dáıekti qadamdar qoǵam aldyndaǵy barlyq áleýmettik mindettemelerdi oryndaýǵa múmkindik beredi. Respýblıka álemniń damyǵan 30 eliniń qataryna kirýge senimmen ilgeri jyljyp keledi. Eń bastysy - mine osynyń bári qoǵamdaǵy tynyshtyq pen turaqtylyqqa járdemdesedi, árbir azamatqa bizdiń jolymyzdaǵy qaterlerdi oıdaǵydaı eńserýimizge senim uıalatady», dep atap kórsetti M.Bortnık.
