Prezıdenttik rezervte turǵan qyzmetkerler biliktilikterin arttyrdy

ASTANA. QazAqparat - QR Tuńǵysh Prezıdenti - Elbasy atyndaǵy Ulttyq qorǵanys ýnıversıtetinde quqyq qorǵaý organdary basshylyǵynyń Prezıdenttik rezervinde turǵan qyzmetkerler kásibı deńgeılerin arttyrdy. Bul týraly Qorǵanys mınıstrliginen málim etti.  

Prezıdenttik rezerv - Memleket basshysynyń jańa formatsııa basshylaryn - kóshbasshylar men zamanaýı menedjerlerdi qurý týraly tapsyrmasyn oryndaý maqsatynda iske asyrylyp jatqan biregeı memlekettik joba. Quqyq qorǵaý organdary qyzmetkerleri Ulttyq qorǵanys ýnıversıtetinde ótken oqý kýrsy barysynda basshylyq laýazymdarǵa taǵaıyndalý úshin qajetti kásibı daǵdylaryn jáne basqarýshylyq biliktilikterin arttyrdy.

Oqýlardyń aıaqtalýyna oraı ótken saltanatty sharaǵa QR Bas prokýrorynyń orynbasary Andreı Lýkın, UQÝ basshysy general-maıor Ashat Ryspaev jáne QR Bas prokýratýrasy janyndaǵy Quqyq qorǵaý organdary akademııasynyń rektory Naıl Ahmetzákirov qatysty.