Prezıdenttik mádenıet ortalyǵynda Joldaý júktegen mindetterdi túsindirýge arnalǵan respýblıkalyq keńes ótti

Astanadaǵy Prezıdenttik mádenıet ortalyǵynda beısenbi, aqpannyń 18-inde ótken sharaǵa Prezıdent Ákimshiligi men Premer-Mınıstr Keńsesiniń basshylyǵy, jaýapty hatshylar, vıtse-mınıstrler, ortalyq jáne jergilikti memlekettik organdardyń qyzmetkerleri, joǵary oqý oryndarynyń rektorlary, respýblıkalyq buqaralyq aqparat quraldarynyń redaktorlary, «Nur Otan» partııasynyń jáne basqa da qoǵamdyq uıymdardyń ókilderi qatysty, dep habarlady Mádenıet jáne aqparat mınıstrliginiń baspasóz qyzmetinen.

Keńeste Joldaý júktegen máselelerdi túsindirý sharalaryn uıymdastyrýdyń negizgi joldary talqylandy, túrli áleýmettik toptarmen jumys boıynsha usynys-keńester taldap jasaldy. Aqparattandyrý jumystaryn júrgizýdiń, onyń ishinde respýblıkalyq aqparattyq-nasıhattaý toptary úshin, eń ońtaıly formattary men ádisteri anyqtaldy. Atap aıtqanda, respýblıkalyq aqparattyq-nasıhattaý toptarynyń jumysyn kóbirek óndiristik kásiporyndar men selolyq aýdandaryna negizdeý týraly usynys jasaldy. Oǵan qosa, is-sharalar aıasynda ekonomıka, ındýstrııalandyrý, bilim berý, áleýmettik qorǵaý sııaqty naqty salalar boıynsha Joldaý júktegen mindetterdi júzege asyrý boıynsha túsindirmeler berildi.

Semınarda Prezıdent Ákimshiligi basshysynyń orynbasary M.Áshimbaev, Mádenıet jáne aqparat mınıstri M.Qul-Muhammed, Indýstrııa jáne saýda mınıstri Á.Isekeshev, Bilim jáne ǵylym mınıstri J.Túımebaev, Eńbek jáne halyqty áleýmettik qorǵaý mınıstri G.Ábdihalyqova, «Nur Otan» HDP Ortalyq apparatynyń hatshysy E.Qarın, Qostanaı oblysy ákiminiń orynbasary S.Bekturǵanov, S.Amanjolov atyndaǵy Shyǵys Qazaqstan memlekettik ýnıversıtetiniń rektory M.Mamraev sóz sóıledi.

Sondaı-aq, syrtqy ister, densaýlyq saqtaý, týrızm jáne sport mınıstrlikteriniń qurylymdyq bólimderiniń basshylary da Joldaýdy júzege asyrýdyń barysy jóninde sóz sóıledi.