Prezıdenttik mádenıet ortalyǵynda merekege arnap kelinder arasynda saıys ótti
ASTANA. Naýryzdyń 5-i. QazAqparat /Aıdar Ospanalıev/ - Qazaqstan Respýblıkasynyń Prezıdenttik mádenıet ortalyǵynda Halyqaralyq áıelder kúnine oraı 35 jasqa deıingi qyzmetkerler arasynda kelinder saıysy ótti,
dep habarlaıdy QazAqparat.
Onda jas kelinder qazaqtyń ádet-ǵurpy men salt-dástúri, ulttyq taǵam túrlerin ázirleý, shaı quıý, maqal-mátel men kórkemsóz oqý, qolóner sheberlikterin qanshalyqty meńgergenderin kórsetýden saıysqa tústi. Saıys sońynda, barlyq qatysýshylar birigip qazaqtyń ulttyq «Qara jorǵa» bıin bıledi.
Qazylar alqasynyń sheshimimen Rústem kelini Indıra - «Inabatty kelin», Zakarııa kelini Gúlnur - «Parasatty kelin», Islambek kelini Laýra - «Sheber kelin» atanyp, arnaıy syılyqtarmen marapattaldy. Sondaı-aq júldeli oryndarǵa Dáýrenbek kelini Nurshash (3 oryn), Quralbaı kelini Juldyz (2 oryn), Alpamys kelini Jańagúl (1 oryn)
ıe boldy. Al bas júlde - zerger Berik Álibaı taǵaıyndaǵan tastan jasalǵan boıtumardy Tursynǵazy kelini Lázzat jeńip aldy.
Baıqaýdy uıymdastyrýshylardyń aıtýlarynsha, qazaq kelinderiniń ınabattylyǵy men kishipeıildiligin pash etken bul saıystyń, ásirese, jastar úshin taǵylymdy tustary mol. Halqymyzdyń dástúrge aınalǵan salt-joralǵylary: ata men enege sálem salý, qaıyn ini men qaıyn sińlige at qoıý, úlkenniń atyn atamaý, besik jyry, as mázirlerin daıyndaý dástúrleri bolashaq analarǵa aıta júretin mektep boldy.
