Prezıdenttik mádenıet ortalyǵynda QR Din isteri jónindegi agenttiktiń tóraǵasy Qaırat Lama Sharıf qazaqstandyq BAQ ókilderimen kezdesti

Kezdesý qaıtadan qurylǵan Din isteri jónindegi agenttikti tanystyrý maqsatynda ótti. Agenttik azamattardyń dinı senim erkindigin qamtamasyz etý, dinı birlestikter týraly zańnamany jetildirý jónindegi usynystardy ázirleý, qazaqstandyq qoǵamnyń turaqtylyǵy men rýhanı qundylyǵyn nyǵaıtýǵa kómektesetin is-sharalardy uıymdastyrý jáne ótkizý salasyndaǵy memlekettik saıasat máseleleri jóninde túsindirý jumystaryn júrgizýge múddeli ekendigi atalyp ótildi.

Dinı ekstremızımniń aldyn alýǵa erekshe nazar aýdarylatyn bolady.

Árbir qazaqstandyq azamat tańdaý erkindigine ıe ekeni atalyp ótildi. Sondaı-aq Agenttiktiń tóraǵasy «Bir ult - bir din» qaǵıdasyna negizdelgen sheshim qabyldaǵanyn atap ótti. Qaırat Lama Sharıftiń oıynsha, dál osy qaǵıda bizdi birtutas ult etedi jáne de ol basqaryp otyrǵan Agenttik osy negizde «Qazaqstandaǵy ustamdy ıslamdy damytý týraly» tujyrymdamany taldap jasaıtyn bolady.