Prezıdenttik mádenıet ortalyǵy Astana kórermenderine «Ulbıke» mýzykaly-dramalyq qoıylymyn usynady
ASTANA. 17 qazan. QazAqparat /Gúlmıra Alıakparova/ - 19 qazanda QR Prezıdentttik mádenıet ortalyǵynda Ulttyq dástúrler teatrynyń jańa maýsymynyń ashylýyna oraı "Ulbıke" mýzykaly-dramalyq qoıylymy bolady.
Myrzataı Joldasbekov pen Nesipbek Aıtulynyń «Ulbıke» qoıylymy 19-shy ǵasyrda Syr boıynda ómir keshken aıtys aqyny, ánshi, dombyrashy Ulbıke Jankeldiqyzynyń qaıǵyly taǵdyry týraly syr shertedi. 12-13 jasynan sharshy topqa túsken Ulbıke Іztileý, Seráliqoja, Maılyqoja, Mádeliqoja, Taspa aqyndarmen aıtysqan, ásirese onyń Kúderiqoja Kóshekulymen aıtysy esimin elge tanytty. Onyń bul aıtysyn V.V.Radlov jazyp alyp, jaryqqa shyǵarǵan, keıinnen orys, nemis tilderine aýdaryp jarııalaǵan. «Tańdaıyna óleń uıa salǵan» Ulbıke týraly kezinde Máshhúr Júsip Kópeıuly, Ábýbákir Dıvaev sııaqty belgili folklorshylar jaqsy pikirin aıtqan.
Qoıylymnyń maqsaty - qazaq halqymen birge jasasyp, búgingi kúnge jetken oryndaýshylyq ónerdiń tutas jıyntyǵyn - ánshilik, kúıshilik, bıshilik, aıtyskerlik, sheshendik sóz ben basqa da aýyz ádebıeti úlgilerin óner tilimen jetkizý arqyly halqymyzdyń san ǵasyrlyq ulttyq dástúrin, salt-sanasyn urpaqqa úlgi etý.
Ulbıke rólin Kenen Ázirbaev atyndaǵy baıqaýdyń laýreaty Jazgúl Dańylbaeva somdaıdy.
Qoıylym 19 qazan kúni saǵat 18.30-da bolady.
