Prezıdenttik qoldaý: Almatynyń 400 myńnan astam turǵyny 42500 teńgeden aldy

ALMATY. QazAqparat –Tótenshe jaǵdaıdyń jarııalanýyna baılanysty tabysynan aıyrylǵan 400 myńnan astam almatylyq 42500 teńgeden aldy. Bul týraly Almaty qalalyq Áleýmettik ál-aýqat basqarmasynyń basshysy Rahat Shımasheva onlaın-brıfıng barysynda aıtty, dep habarlaıdy QazAqparat tilshisi.

«Buǵan deıin birneshe ret brıfıng ótkizip, onda tabystarynan aırylǵan azamattarǵa 42 500 teńge áleýmettik kómekti tóleý erejeleri týraly túsindirgen bolatynbyz. Barlyǵy 896 752 adamnan ótinish tústi. Jalpy 17,5 mlrd teńge 416 045 adamǵa berildi. Birinshi aıda - 370 660 adam, ekinshi aıda 45385 adam aldy», - dedi Rahat Shımasheva.