Prezıdenttik qoldaý: Almaty oblysynda 83 myńnan astam adamǵa azyq-túlik sebeti berildi
Naqtyraq aıtqanda 455 mln 933 myń teńgege 83 091 adam áleýmettik sebet aldy. Solardyń qatarynda jeti balanyń anasy taldyqorǵandyq Janar Aıtbaeva da bar. Jalǵyz basty ana qazir bala tárbıesimen úıde otyr. Qosymsha tabys kózi joq. Sondyqtan oǵan memleketten kórsetilip jatqan árbir kómek mańyzdy.
«Buryn mundaı kómek esh ýaqytta bolmaǵan. Buryn azdy-kópti posobııa alatynbyz. Oǵan da jetkizip júrdik. Qazir endi jaqsy bári. Tamaq-asymyzdy alyp jatyrmyz. GSP-myzdy alyp jatyrmyz. Áleýmettik paket deımiz. Onyń bárin alyp jatyrmyz. Jaqsy. Rahmet»,- deıdi Janar Aıtbaeva.
Kópbalaly otbasyǵa «Biz birgemiz» aktsııasy aıasynda erikti jastar da kómegin usynyp turady. Qazir ana mektep jasyndaǵy eki balasyn qashyqtan oqytyp, aýladaǵy shaǵyn baqshasyn rettep, úı sharýasymen aınalysýda. Jalǵyzbasty ana memleket tarapynan kórsetilip jatqan árbir kómek otbasynyń tótenshe jaǵdaı men karantın rejıminen ońalyp shyǵýyna septigin tıgizip jatqanyn aıtady.
