Prezıdenttik qoldaý: 42500.enbek.kz saıtyna 450 myńnan astam ótinish tústi

NUR-SULTAN. QazAqparat - Tótenshe jaǵdaı kezinde tabysynan aırylǵan azamattardyń áleýmettik tólem alýǵa baılanysty ótinishteri táýlik boıy qaralýda. Bul týraly Eńbek resýrstaryn damytý ortalyǵynan málim etti, dep habarlaıdy QazAqparat.

«2020 jylǵy 4 mamyrdaǵy jaǵdaı boıynsha https://42500.enbek.kz saıtyna 451,6 myń ótinish kelip tústi. Onyń ishinde tek 4 mamyrda 11 myńnan astam ótinish tirkeldi. Eńbek jáne halyqty áleýmettik qorǵaý mınıstrliginiń «Eńbek resýrstaryn damytý ortalyǵy» AQ-nyń mamandary kelip túsken barlyq ótinishterdi qarap, Tótenshe jaǵdaı kezeńinde áleýmettik tólem alýǵa ótinish berý tártibi týraly, áleýmettik tólem taǵaıyndaýdan bas tartý sebepteri jaıynda, biryńǵaı jıyntyq tólemdi qaıtarý tártibi týraly jáne basqa da suraqtarǵa túsinikteme beredi», - delingen ortalyq habarlamasynda.

Atap aıtqanda, ótinishterdiń basym kópshiligi TJ kezeńinde tabysty joǵaltýyna baılanysty áleýmettik tólemdi esepteý tártibine, sondaı-aq ony taǵaıyndaýdan bas tartý sebepterine qatysty. Árbir ótinish jeke qaralyp, azamattarǵa ótinimde jibergen qatelerdi joıýǵa, sol arqyly áleýmettik tólemdi alýyna kómek kórsetiledi.

Aıta ketsek, eń jıi kezdesetin qateler bul - azamattardyń JSN, sondaı-aq banktik shot nómirin durys kórsetpeýi.