Prezıdenttik kadrlyq rezerv: Altaı Kólginov jastardy jumysqa shaqyrdy
Kezdesý barysynda qalany damytýdyń negizgi baǵyttary, onyń ishinde ýrbanıstıka, tehnologııalardy kommertsııalandyrý, sondaı-aq «qarapaıym zattar ekonomıkasy» baǵdarlamasyn damytý máseleleri talqylandy.
«Búgin Qasym-Jomart Kemeluly rezervke ótken mamandarmen kezdesý barysynda memlekettik apparatty odan ári damytý týraly birqatar tapsyrma júktedi. Qazirgi – tórtinshi tehnologııalyq revolıýtsııa zamanynda bizge jańasha oılaıtyn, pragmatık mamandar qajet. Tsıfrlandyrý dáýirinde memlekettik qyzmetker atalmysh qasıetterge ıe bolýy tıis. Memlekettik apparattyń negizgi mindetteriniń biri »Halyq únine qulaq asatyn memleket« tujyrymdamasyn júzege asyrý bolyp tabylady. Bizdiń mindetimiz – halyqpen keri baılanysty nyǵaıtyp, azamattardyń ózekti saýaldaryna jedel jaýap berý. Prezıdenttik kadrlyq rezerv – bul merıtokratııa qaǵıdatyna sáıkes keletin jastarǵa arnalǵan áleýmettik lıft. Jastardy qoldap, adamı kapıtaldy damytý – basty mindetterimizdiń biri bolyp tabylady. Sizderdi qalalyq ákimdikke jumysqa shaqyramyn. Bilimdi jáne kreatıvti jastar úshin esigimiz árqashan ashyq. Sizder birneshe kezeńnen turatyn sapaly irikteýden óttińizder. 13 myń úmitkerdiń 300-i rezervke endi», - dedi qala ákimi Altaı Kólginov.
Elorda basshysy jastarǵa elimizdiń órkendeýi jolynda adal eńbek etip, óskeleń urpaqqa úlgi bolýlaryn tiledi.
Nur-Sultan qalasynyń ákimdiginen málim etkendeı, Prezıdenttik jastar kadrlyq rezervine engen jastarmen kezdesýler aldaǵy ýaqytta da ótetin bolady.
«Qansha mamannyń keletini taǵaıyndaýlardan keıin jarııalanatyn bolady», - dedi vedomstvonyń baspasóz qyzmetinen.
Aıta keteıik, Prezıdenttik jastar kadrlyq rezervi Memleket basshysy Qasym-Jomart Toqaevtyń tapsyrmasyna sáıkes quryldy. Búgin Prezıdent kadrlyq rezervke ótken 300 jaspen kezdesti.
