Prezıdentti ulyqtaý kúni Astanada 18 gradýsqa deıin jyly bolady dep kútilýde
ASTANA. 7 sáýir. QazAqparat - Prezıdent Nursultan Nazarbaevty ulyqtaý rásimi ótetin kúni, ıaǵnı juma, 8 sáýirde Astanada 18 gradýsqa deıin jyly bolady dep kútilýde.
Bul týraly «Qazgıdromettiń» baspasóz qyzmeti habarlady.
«8 sáýir kúni Astananyń aýa raıyna antıtsıklon yqpal etedi, kún jyly, jaýyn-shashyn bolmaıdy dep kútilýde. Túngi temperatýra 0-5 gradýs sýyq, keı jerlerde 3 gradýs jyly bolady, kúndiz 13-18 gradýsqa deıin jyly bolady dep boljanýda, ońtústik batystan sekýndyna 9-14 metr jyldamdyqtaǵy jel soǵady», - delingen beısenbi kúni taratylǵan aqparatta.
Prezıdentti ulyqtaý rásimi Táýelsizdik saraıynda ótedi.
