PREZIDENTTEN UOS ARDAGERІNE: Búgingi qoǵamnyń ardagerlerge degen úlken qurmeti meni qatty qýantady - maıdanger A. Bekmádı

ASTANA. QazAqparat - Bıyl 92 jasqa kelgen UOS ardageri Ahat Bekmádı aqsaqal Máskeýde ótetin Jeńistiń 70 jyldyǵyna arnalǵan sherýge barady. Bul týraly ol QazAqparat tilshisine bergen suhbatynda aıtty.

«Jaqynda Astana qalasy, Almaty aýdany ákimi Prezıdenttiń atynan syı-sııapatyn ákep berdi. Eń basty syılyq - Elbasymyz Nursultan Nazarbaevtyń quttyqtaý sózi. Memleket basshysynyń, Úkimet basyndaǵy azamattardyń, jergilikti bılik ókilderiniń, jalpy búgingi urpaqtyń ardagerlerge degen qurmeti meni qatty qýantady», - deıdi aqsaqal. A. Bekmádııaulynyń aıtýynsha, jýyrda oǵan Astana qalalyq ákimdiginiń mamandary habarlasyp, bıyl Máskeýde ótetin Jeńistiń 70 jyldyǵyna arnalǵan sherýge barýǵa qalaı qaraıtynyn suraǵan. «Men bul usynysqa qýana kelistim. Osydan 5 jyl buryn Jeńistiń 65 jyldyǵynda da Qazaqstannan úsh ardager bolyp, Mınskige baryp qaıtqan edik. Odan keıin Máskeýdi qorǵaý shaıqasynyń 70 jyldyǵyna da baryp qaıttym. Endi Alla qalap, amandyǵyn berse, 70 jyldyqqa arnalǵan sherýge de barǵym keledi», - deıdi maıdanger. Aıta keteıik, A. Bekmádı aqsaqal Aqmola óńirinde 1923 jyly dúnıege kelgen. Maıdanǵa 19 jasynda shaqyrylyp, Máskeýdi qorǵaý shaıqasyna qatysqan. Sol jerde jaralanyp, elge oralǵan soń, 44 jyldaı mektep muǵalimi, oqý isiniń meńgerýshisi, mektep dırektory qyzmetterin abyroımen atqarǵan.