Prezıdentte ákimderdi qyzmetinen bosatý quzyry qalady

ASTANA. QazAqparat - Prezıdentte ákimderdi qyzmetinen alý quzyry qalady. Bul týraly búgin Parlament palatalarynyń birlesken otyrysynda QR Prezıdenti Ákimshiliginiń basshysy Ádilbek Jaqsybekov málim etti, dep xabarlaıdy QazAqparat. 

Depýtat Serik Bilálov otyrys kezinde Prezıdenttiń ákimderge qatysty ókileti qalatynyn ne qalmaıtynyn suraǵan bolatyn.
«Konstıtýtsııanyń 87-babyna engiziletin ózgerister oblystardyń, respýblıkalyq mańyzy bar qalalardyń jáne Astana ákimderinen basqa barlyq deńgeıdegi ákimderdi qyzmetke taǵaıyndaý nemese saılaý tártibin zańmen aıqyndaýdy kózdeıdi. ıAǵnı Memleket basshysynyń osy máseleler boıynsha ókiletin respýblıka Parlamentine berý usynylady. Osyǵan baılanysty suraq, bul rette Prezıdenttiń óziniń uıǵarýy boıynsha, barlyq deńgeıdegi ákimderdi qyzmetterinen bosatý jónindegi quqyǵy saqtalady ma?», - dedi óz suraǵynda depýtat.

Bul ózgerister Konstıtýtsııany ózgertý týraly jańa zań jobasynda qarastyrylǵandyǵyn Jaqsybekov rastady.

«Iá, ondaı ózgerister usynyldy. Prezıdent barlyq ákimderdi ózi bosata alady. 87-bap 4-pýnkt onda Prezıdent óz uıǵarymy boıynsha, ákimderdi qyzmetinen shettete alady delingen. Bul quzyr prezıdentte qalady», - dedi Jaqsybekov depýtattar aldynda bergen jaýabynda.

Aıta keteıik, búgin «Parlamenttiń birlesken otyrysynda QR Konstıtýtsııasyna ózgertýler men tolyqtyrýlar engizý týraly» zań jobasy talqylanýda.

Otyrys basynda QR Prezıdenti baıandama jasady.