Prezıdentpen tikeleı jeli barysynda ekologııa máselesi de sóz boldy
A. Qarashanyń 13-i. QazAqparat /Quralaı Orynbekqyzy/ - Memleket basshysy Nursultan Nazarbaevtyń qazaqstandyqtardyń saýaldaryna tikeleı jeli arqyly jaýap berýi barysynda iri ónerkásipti qalalardan ekologııaǵa qatysty kóp suraq tústi,
dep habarlaıdy QazAqparat.
Saýal qoıýshylar elimiz memlekettik ekologııa saıasaty aıasynda ne isteıtinin bilgisi keldi. «Bul óte mańyzdy saýal. Ol sondaı-aq Birikken Ulttar Uıymynyń kún tártibine shyǵarylǵan. Myńjyldyqty damytý jónindegi josparǵa dál osy másele kirgen. Biz de shette qalyp qalǵan joqpyz. Men Óskemen qalasyndaǵy ekologııalyq másele aýyr ekendigin umytqan joqpyn. Ótken jyly onda aýany kúkirtqyshqyl gazynan tazalaý jónindegi tseh iske qosyldy. Atalmysh zaýyt barlyq kúkirtti jınap, kúkirt qyshqylyna aınaldyrady, nátıjesinde atmosferany lastaý barynsha tómendedi», - dedi óz jaýabynda Elbasy.
«Qazir Almatydan bastap ishinara bıoetanol engizýdi qarastyrýdamyz. Almaty Qazaqstannyń qazynasy, kórigi, barlyǵymyzdyń súıikti qalamyz. Biz muny esten shyǵarmaı, bul qala úshin árdaıym jaǵdaı jasap otyramyz. Degenmen, bul barlyq qalalarǵa da qatysty aıtylǵan oı. Barlyq qoldanylatyn jańa tehnologııalar tazalaýǵa baǵyttalatyn bolady. QR Qorshaǵan ortany qorǵaý mınıstrliginiń aýanyń tazalyǵyn saqtaý jónindegi kompanııalarǵa qoıǵan talaby zamanaýı jańa tehnıkalar men qural-jabdyqtardy alýdy mindetteıdi. ıAǵnı, munyń barlyǵy tehnıkalyq progreske ákeledi. Sondyqtan, bul oryndy qoıylǵan suraq. Biz barlyǵymyz bul isti qolǵa alyp, al barlyq atqarýshy organdar ony baqylaýy tıis», - dep atap ótti N.Nazarbaev.
