Prezıdentke memlekettik organ basshylary Astanada qandaı ózgeris bolatynyn baıandady
ASTANA. KAZINFORM – Astana ákimi Jeńis Qasymbek Memleket basshysyna shahardy abattandyrý, qoǵamdyq keńistikterdi kógaldandyrý, sondaı-aq qolaıly jáne qaýipsiz qala qalyptastyrý baǵytynda qolǵa alynǵan sharalar jóninde málimet berdi. Bul týraly Aqorda habarlady.
Onyń aıtýynsha, bıyl elordada 173 oryndy (qoǵamdyq keńistikter men aýlalar) jańǵyrtý, 1,1 mıllıon túp jasyl jelek, atap aıtqanda, kóshetter, butalar, gúlder men aǵashtar egý josparlanyp otyr.
Negizgi jobalardyń biri – turǵyndar kóp keletin «Samal» saıabaǵy. Atalǵan aýmaq otbasylyq demalysqa, sportpen shuǵyldanýǵa jáne mádenı is-sharalarǵa yńǵaıly keńistik retinde jobalanyp otyr.
Ekologııa jáne tabıǵı resýrstar mınıstri Erlan Nysanbaev «Taza Qazaqstan» aktsııasy bastalǵan eki jyl ishinde 1,5 myń ekologııalyq is-shara uıymdastyrylǵanyn jetkizdi.
Osy ýaqyt aralyǵynda 2 mıllıon tonna qoqys jınalyp, 5,5 mıllıonǵa jýyq tal egilgen. Jyl saıyn bul bastamaǵa 6,5 mıllıon adam, sonyń ishinde 780 myń volonter qatysady.
Mınıstrdiń aıtýynsha, 2021-2025 jyldary orman qoryn tolyqtyrý úshin 1 mıllıonnan asa gektarǵa 1 648,4 mıllıon túp kóshet otyrǵyzylǵan.
Eldi mekenderde bes jyl ishinde 18,4 mıllıon aǵash egildi. Aldaǵy ýaqytta 1 760 myń gektar jerdi qamtıtyn 46 ekoaýmaq qurylady.
Іs-sharaǵa Aqsý-Jabaǵyly tabıǵı qoryǵynan Túrkistan oblysy ákimi Nuralhan Kósherov pen ekovolonter Aıda Maqanbaı, Jaıyq jaǵasynan Batys Qazaqstan oblysy ákimi Narıman Tóreǵalıev pen ekobelsendi Nursultan Sársenbaev, Shyǵys Qazaqstan oblysynan aımaq ákimi Nurymbet Saqtaǵanov pen Úlbi metallýrgııa zaýytynyń basqarma tóraǵasy Sergeı Bejetskıı, Baıanaýyldan Pavlodar oblysynyń ákimi Asaıyn Baıhanov pen «Jasyl el» Pavlodar oblysy shtabynyń jetekshisi Rýsana Sýlaımonova beınebaılanys arqyly qosylyp, jalpyulttyq ekologııalyq aktsııa aıasynda óńirlerde atqarylyp jatqan jumystardy baıandady.
Aıta keteıik, Memleket basshysy «Taza Qazaqstan» respýblıkalyq ekologııalyq aktsııasyna qatysty.
