Prezıdentke Jambyl oblysyndaǵy jer silkinisinen keıingi ahýal baıandaldy
ASTANA. KAZINFORM — Prezıdent Qasym-Jomart Toqaev Jambyl oblysynyń ákimi Erbol Qarashókeev pen Tótenshe jaǵdaılar mınıstri Shyńǵys Árinovtiń óńirdegi jer silkinisinen keıingi ahýal boıynsha baıandamalaryn tyńdady.
— Memleket basshysy Premer-mınıstr Oljas Bektenovke áleýmettik nysandar men turǵyn úılerdi qalpyna keltirý jáne jóndeý jumystaryn júrgizý úshin qajetti kómek kórsetýdi tapsyrdy. Úkimet oblystaǵy ahýaldy baqylaýǵa aldy, — delingen Aqordanyń baspasóz qyzmeti taratqan aqparatta.
Eske salsaq, búgin saǵat 16:00 shamasynda Jambyl oblysynda taǵy da jer silkindi.
Buǵan deıin óńirde alǵashqy jer silkinisi 03:42–de tirkelgeni belgili boldy. Eseptelgen qarqyndylyǵy Merki aýylynda — 5.0 ball, Qulan aýylynda — 4.0 ball, Shý
Tabıǵı apat saldarynan Turar Rysqulov aýdany Qaraqystaq aýylyndaǵy mádenıet úıi, Merki aýdandyq aýrýhanasy, Oıtal aýylyndaǵy mektep ǵımaratynyń qabyrǵasynda jaryqshaq paıda bolǵany anyqtaldy.
Budan bólek, úkimettik jumys toby jaǵdaıdy saraptap, baǵalaý jáne shara qoldaný úshin Jambyl oblysyna jiberildi.
Sonymen qatar Mıanmada 7,9 baldyq jer silkinisi tirkelgenin jazǵan edik.
SІM Taılandtaǵy jer silkinisinen zardap shekken qazaqstandyqtarǵa qatysty aqparatty taratty.
Qazir Mıanmada tótenshe jaǵdaı jarııalandy. Sońǵy derekterge sáıkes Mıanmadaǵy jer silkinisinen 50 adam qaza taýyp, 300 adam jaraqat aldy.