Prezıdentke úıinen aıyrylyp qalǵanyn aıtqan qostanaılyqtyń máselesine sot túsinikteme berdi
«Qostanaı oblysynyń turǵyny Sharafýtdınov Memleket basshysyna ákimdik jalǵan qujat jasap, sonyń negizinde sot qate sheshim shyǵaryp, saldarynan ol úıinen aıyrylǵanyn aıtqan edi.
Negizinen atalǵan 90 sharshy metr úı V.Malıvetske tıesili bolǵan. Onyń eki qyzy bar - E.Sharafýtdınova jáne L.Berejetskaıa. 1984 jyly V.Malıvets bul baspanany úlken qyzy L.Berejetskaıaǵa syıǵa tartqan jáne ony notarıýspen rastaǵan. Degenmen L.Berejetskaıa 1976 jyldan bastap Reseı Federatsııasynda turady. Sotta ol ápkesine úıde ýaqytsha turýǵa ruqsat bergenin rastady. Biraq ol 1991 jyly sot arqyly E.Sharafýtdınova baspanadan shyǵardy.
Al 2003 jyly ákesi V.Maslıvets qaıtys boldy. Keıin 2018 jyly L.Berejetskaıa úıdi memlekettik akt arqyly jeke menshik quqyǵyna ótkizdi.
E.Sharafýtdınova ákesiniń L.Berejetskaıaǵa úı bergeni týraly barlyq resmı qujattardyń túpnusqalarymen tanysqan, jaǵdaıdy biledi. Alaıda, ol 2019 jyly Berejetskaıanyń ústinen aryz túsirdi. ıAǵnı, úıdi óz menshigine ótkizýdi talap etti. Keıin ol aryzyn qaıtaryp aldy», - dep túsinikteme berdi Qostanaı oblystyq sotynyń baspasóz qyzmetinen.
Belgili bolǵandaı, 2020 jyly L.Berejetskaıa úıdi Aıqadamova esimdi azamatshaǵa 3,5 mln teńgege satqan. Biraq E.Sharafýtdınova baspananyń jańa ıesin úıge kirgizbegen. Satyp alýshy tısinshe sotqa júgingen.
«Buǵan deıin quqyq qorǵaý organdary alaıaqtyq is-áreketter jáne qujattardy qoldan jasaý faktisi boıynsha aryz túsirgen adamnyń isin muqııat teksergen bolatyn. Biraq dálelderdiń rastalmaýyna baılanysty qylmystyq is toqtatyldy», - delingen habarlamada.
Eske salaıyq, keshe Qostanaıdaǵy orman órtine baılanysty jaǵdaımen tanysý úshin atalǵan óńirge barǵan Memleket basshysy jergilikti turǵyndarmen kezdesti. Onda jalǵan qujat saldarynan úıin aıyrylyp qalǵan jigit máselesin aıtqan bolatyn. Prezıdent bul jaǵdaıǵa qatysty istiń anyq-qanyǵyn anyqtaýdy óz baqylaýyna alatynyn málimdep edi.
Glavnoe foto: kst.sud.kz
