Prezıdentke til tıgizgeni úshin Today's Zaman gazetiniń bas redaktory tutqyndaldy
ASTANA. QazAqparat - Today's Zaman gazetiniń bas redaktory Bıýlent Kenesh tutqynǵa alyndy. Oǵan tanymal Twitter-degi mıkroblogy arqyly el prezıdenti Rejep Taıyp Erdoǵanǵa til tıgizdi degen aıyp taǵylýda.
Al Bıýlent Kenesh bul aıyp orynsyz ekenin, ol tek zańmen belgilengen sóz bostandyǵyn paıdalanyp syn aıtqandyǵyn alǵa tartty. Keshe Ystambul polıtsııasy bas redaktordy jumys ornynan ustap áketti. Búgin is sotta qaralady dep josparlanýda. «Túrkııada jýrnalısterdi tutqynǵa alýdyń bul alǵashqy oqıǵasy emes. Taıyp Erdoǵan prezıdent bolyp saılanǵan ótken jyldyń tamyz aıynan beri júzdegen adamǵa «memleket basshysyna til tıgizdi» degen aıyp taǵylyp, tergeý amaldary júrgizilgen. Tipti osy jalamen aǵymdaǵy jyldyń maýsym aıynda Bıýlent Keneshti 21 aıǵa shartty túrde bas bostandyǵynan aıyrý jóninde úkim shyǵaryldy», - dep habarlaıdy 24.kz Today's Zaman gazetine silteme jasap.
