Prezıdentke syıǵa tartylǵan Naýryz atty kúshik qalaı ósip jatyr
«Alǵash ákelgende sebette jatqan judyryqtaı ǵana dirildegen kúshik edi. Qazir oınaqy, kózden tasa etpeýdi qajet etedi. Naýryz tazy kúshiginiń alǵashqy ań aýlaýyn, onyń jetistikteri men ósý kezeńin mindetti túrde kórsetip otyramyz. Kim biledi, múmkin ol Aqordany óziniń jeke kúzetine alyp qalar?!», - delingen vıdeoǵa berilgen jazbada.
Eske salsaq, bıyl Naýryz meıramynda Memleket basshysy Qasym-Jomart Toqaevqa Naýryz atty tazy kúshigi syıǵa tartylǵan edi.
«Sizge syılyq tartý etkimiz keledi. Ejelden qazaqy ıt tuqymy Qazaqstanda óte qundy syılyqtyń biri sanalyp kelgen edi. Ókinishke oraı, sońǵy jyldary onyń qundylyǵy tómendep bara jatyr. Siz qabyldaǵan qazaqy ıt tuqymdaryn saqtaý jáne kóbeıtý jónindegi jańa zańdy qabyldaýdyń arqasynda myna kúshik te tazy tuqymyn kóbeıtýge septigin tıgizedi dep úmittenemiz. Qujattary bar, aty – Naýryz. Ol osydan 1,5 aı buryn dúnıege keldi. Tuqymynda jalǵyz bolǵandyqtan osynaı at berýdiń nyshandyq máni boldy», - degen edi Prezıdentke kúshikti syıǵa tartqan asyl tuqymdy tazy ósirýshi Anna Zaharova.
Aıta keteıik, bıyl 3 qańtarda QR Prezıdenti qazaqy ıt tuqymdaryn saqtaý týraly zańǵa qol qoıdy.
Sondaı-aq, osydan birer kún buryn qazaqy ıt tuqymdarynyń standarty bekitildi.
