Prezıdentke Saýd Arabııasy Koroli men Taq muragerinen hat keldi
ASTANA. KAZINFORM – Memleket basshysyna Saýd Arabııasynyń Koroli Salman ben Ábdelazız Ál Saýd pen Taq murageri Muhammed ben Salman ben Ál Saýd hat joldady, dep jazdy Aqorda.
Saýd Arabııasynyń Koroli, Qos kıeniń saqshysy Salman ben Ábdelazız Ál Saýd pen Saýd Arabııasynyń Taq murageri, Premer-mınıstri Muhammed ben Salman ben Ábdelazız Ál Saýd hattarynda Taıaý Shyǵystaǵy kúrdeli ahýalǵa baılanysty Qazaqstan Prezıdentiniń Koroldikke qoldaýy men tilektestigin zor rızashylyqpen qabyl alǵandaryn jazǵan.
- Korol men Taq murageri baýyrlas eki memleket arasyndaǵy qarym-qatynastardyń tereńdigin aıǵaqtaıtyn ustanymdy joǵary baǵalap, barlyq saladaǵy yqpaldastyqty ortaq múddege saı odan ári nyǵaıtýǵa nıetti ekenderin rastaǵan, - delingen aqparatta.
Sondaı-aq Memleket basshysyna zor densaýlyq, Qazaqstan halqyna baq-bereke tileıtinderin jetkizgen.
Aıta keteıik, Qasym-Jomart Toqaev Ortalyq Azııa elderin sý máselesinde birlesip áreket etýge shaqyrdy.
