Prezıdentke Ramazan aıynyń bastalýyna oraı quttyqtaý jedelhattary kelip tústi

ASTANA. KAZINFORM – Prezıdent Qasym-Jomart Toqaevtyń atyna qasıetti Ramazan aıynyń bastalýyna oraı shet memleketterdiń basshylary men halyqaralyq uıymdardyń jetekshileri atynan quttyqtaý jedelhattary kelip tústi.

Memleket basshysyn Ózbekstan Prezıdenti Shavkat Mırzıeev, BAÁ Prezıdenti Muhammed ben Zaıd Ál Nahaıan, Dýbaı ámirliginiń bıleýshisi sheıh Muhammed ben Rashıd Ál Maktým, Vıtse-prezıdent, BAÁ Premer-mınıstriniń orynbasary jáne Prezıdent Ákimshiliginiń basshysy Mansur ben Zaıd Ál Nahaıan, Marokko Koroli VI Muhammed, Iran Prezıdenti Masýd Pezeshkıan, Mysyr Prezıdenti Ábdel Fattah As-Sısı, Kýveıt Ámiri sheıh Mıshaal ál-Ahmad ál-Djaber as-Sabah, Palestına Prezıdenti Mahmud Abbas jáne basqalary quttyqtady.

Prezıdenttiń atyna quttyqtaý jedelhattary áli de kelip túsip jatyr.

Aıta keteıik, Memleket basshysy Qazaqstan halqyn Ramazan aıynyń bastalýymen quttyqtaǵan bolatyn.